حريه بالمهلبيه

قريت ان الاء الطالبه الى كانت هتدخل مادة العربى دور تانى لانها شتمت عمنا الكريم الحاج جورج بوش شوف ازاى
هتنجح وهتنقل للصف الثانى الثانوى ازاى وفين وامتى؟ ما اعرفش شوف والنبى بعد ما قالو هتسقط قالو هتدخل دور تانى وبعد كدة قالو
هتنجح والنبى ايه شغل العيال دة بس ما علينا احنا وخدين من الحكومه على كدة بس المهم ان البنت هتنجح ودة ليه اسالنى بقا؟اقولك علشان رئيسنا الى بيحمى الحريه والديموقراطيه اخد بالك انت معايا امر بانها تنجح لان دة رايها وهو بيشجع الديموقراطيه وعجبى؟
.طب والنبى بمناسبه المهلبيه سورى قصدى الديموقراطيه ممكن يفرج عن باقى المعتقلين فى قضيه القضاة بمناسبه حريه التعبير يعنى
وسلامو عليكم

درجه تانيه حتى فى الشيمه

شاهدت حلقه منى الشاذلى مع الطالبه الاء الى شتمت جورج بيه بوش واتحرمت من النجاح وكانت هتعيد السنه لولا ان الحكومه حفظت ماء وجهها واكتفت بدخولها الدور الثانى طب ما شتمته شتمته وايه يعنى مايغور فى داهيه يعنى والنبى مهم ماعملوش حاجه لما شتمو سيدنا محمد اشمعنا بوش الى فاضيحه مغرقه الدنيا من ابوغريب لجوانتنامو ولا هما مش شيفين؟

طب ماشعبه بيشتمه كل يوم ولا احنا درجه تانيه حتى فى الشتيمه

ولسه ياما هنشوف من افتكسات الحكومه وعجبى؟

التنين راجع

مبرررررروك التنين البمبى هيخرج يا رجاله

عقبال البقيين